VM i vektløfting 2025
VM i vektløfting blir arrangert over 10 dagar i starten av oktober 2025. Det blir tunge løft og store idrettsprestasjonar kvar einaste dag, og på kveldane er det finalar og utdeling av edle medaljar. Du er ein viktig del av VM-festen, bli med på dagar med folkefest i Førde!
Hald deg oppdatert
Endeleg konkurranseprogram for meisterskapen blir ikkje klar før etter OL i Paris i 2024. Meld deg på vårt nyheitsbrev og føl oss i sosiale media, så blir du den første til å få nyheiter og oppdatert informasjon.
Det sportslege skal sjølvsagt vere i fokus under VM, og vi skal legge til rette for idrettsprestasjonar i ypparste verdsklasse. Samtidig skal VM setje farge på heile Førde og Sunnfjord gjennom mange andre opplevingar både innandørs og utandørs. Føl oss i sosiale media og meld deg på vårt nyheitsbrev, så skal vi halde deg oppdatert.
VM er eigd av Norges vektløftarforbund, AK Bjørgvin, Førde IL og Tambarskjelvar IL. Meisterskapen vil i stor grad vere basert på dugnad som skal betalast gjennom utdeling av utstyr og økonomisk overskot. I tillegg har organisasjonen ein administrasjon som jobbar med planlegging og marknadsføring av VM 2025.
