12. oktober 2024 i Førde

Krafta i oss

Arrangementskonferanse med mål å ta vare på, utvikle og dele arrangementskompetanse som skal motivere til å etablere og søke om framtidige kultur- og idrettsarrangement til vår region. Arrangement og arrangementsturisme tilfører kvart år store verdiar lokalt, regionalt og nasjonalt, og er spådd å bli ei av dei store eksportvarene i framtida.

Som del av VM 2025-prosjektet, ønskjer VM 2025 gjennom «KRAFTA i OSS» å lage ein MØTEPLASS som skal bidra og motivere til at fleire små og store arrangement blir lagt til heile Vestland. Her kan du bli inspirert og ikkje minst treffe erfarne arrangørar, knyte kontakt og få gode tips!

Første konferanse blir arrangert i Førde 12. oktober 2024.

Påmelding

Program

Frå kl. 09:00	Registrering Kaffi og kanelbolle
Kl. 10:00	Opning
Kl. 10:15	Arrangement er verdiskaping
Kl. 11:00	Pause
Kl. 11.20	I sentrum av verda
Kl. 12.15	Lunsj
Kl. 13.05	Saman er vi sterkare
Kl. 14.05	Pause
Kl. 14.25	Med naturen som innramming
Kl. 15.10	Pause
Kl. 15.30	Sofaprat – krafta i oss
Kl. 16.00	Avslutning
Kl. 17:00–20:00	Avspark VM-vektløfting (eige arrangement)
Kl. 22.00	Konsert med Oddny på Larris (eige arrangement)

Desse møter du på konferansen

Verdien av arrangement | GUNN MERETE PAULSEN

Det er nok umogleg å få reknestykket heilt korrekt, men kva ringverknader har dei hundrevis av små og store arrangementa som kvart år går av stablen i Nordfjord, Sunnfjord og Sogn? PwC gir eksempel på verdien av utvalde arrangement.

Skåla Opp i 20 år | ERIK BRENDEFUR

Skåla Opp vart Nord Europas største, tøffaste og mest spektakulære motbakkeløp. I 20 år blei det arrangert. Kva betydning hadde Skåla Opp for Loen, og kvifor valde ein å avslutte suksessen etter 20 år?

4x blink, så bom | BJØRN KJØNÅS

Landskyttarstemnet er Norges største skyttarstemne og samlar årleg kring 15 000 skyttarar og andre tilreisande. I 2028 var planen at Førde skyttarlag skulle søke om arrangementet for femte gong. Søknaden vart aldri sendt, omsetning for titals millionar kroner er vekke. Kva var det som skjedde?

Innovasjon Norge | BIRGITTE NESTANDE

Arrangement og arrangementsturisme er viktig for Norge og er ei stor eksportvare som har potensiale til å vekse meir framover. Birgitte Nestande frå Innovasjon Norge ser på betydninga av arrangement frå eit nasjonalt perspektiv.

Frå Jølster til verdscup | ATLE HAMAR

Det er ikkje nok å berre ha snø, den må vere heilt perfekt for å lage optimale forhold for alpinistar som siktar mot toppen. Lidenskapelege eldsjeler i Jølster har sidan 2010 vore godkjent arrangør av FIS-renn. Mange norske verdsstjerner i alpint har susa ned bakkane med utsikt til Astrup sitt rike.

Frå Nashville til Breim | VEGAR SÅRHEIM

I 2025 er det tretti år sidan dei første artistane frå «over there» spelte frå ein lastebilhengar på Fjordhestgarden i Breim. I dag er det eit anlegg rigga for å ta i mot store stjerner frå countrymusikken og tusenvis av festivaldeltakarar frå heile landet. Kvar sommar stiller over halvparten av alle som bur i bygda på dugnad for å arrangere Norges beste country festival.

VM i vektløfting | STIAN GRIMSETH & SOLFRID KOANDA

VM i vektløfting i 2025 er i tal deltakarnasjonar det største internasjonale idrettsarrangement som har vore i Norge nokon gong. I kamp med millionbyar som Tashkent i Usbekistan, Sofia i Bulgaria og Las Vegas i USA, vart meisterskapen lagt til vesle Førde. Det er ei historisk hending, korleis er det mogleg?

Vi får også møte Solfrid Koanda som skreiv norsk idrettshistorie med sitt historiske OL-gull i Paris i sommar. Solfrid fortel om vegen fram til OL-gull og ikkje minst om vegen og forventningane fram mot VM på heimebane i oktober 2025.

Visit Bergen | CEDRIC BEGUIN

Bergen er den store «byen» i Vestland og har årleg mange små og store arrangement. Korleis kan Bergen bidra til å løfte fram og hjelpe med å gjennomføre arrangement i resten av fylket?

Krafta i å samarbeide | KNUT SKEIE SOLBERG

Knut Skeie Solberg inspirera, engasjera og skapar utvikling. Vinnarane er ikkje berre dei som står øvst på pallen, her får du eit nytt syn på korleis samarbeid og velfungerande lag blir skapt – og kva kraft som ligg i det å samarbeide.

Grønt arrangement | HILDEGUNN HOVE

Det er lett å snakke om det, men korleis kan ein gjere noko med det? Hildegunn Hove frå Sogn og Fjordane Fotballkrets fortel om arbeidet med grøne arrangement. Med auka miljøbevisstheit og gjennomføring av enkle miljøtiltak kan vi saman redusere miljøavtrykket vårt betydeleg.

Ope hav og høg himmel | ERLING BAKKE NYDAL

Det er best med sol og blå himmel, men for Kinnaspelet må dei ta til takke med det naturen har å by på yst i havgapet i vest. Kvart år sidan 1985 har Kinnaspelet blitt framført i pakt med naturen mellom bergveggen og steinkyrkja på øya Kinn i Florø.

Verdas beste snø | KAMILLA MARIFJÆRA

Fjellsportfestivalen i Sogndal skriv om seg sjølv: «Me har alltid vore drive av folk som ønskjer å skapa lokal entusiasme og utvikling». Meir treng ein vel ikkje å seie, «Fjedle kadla».

Sofaprat | GUNHILD BERGE STANG m.fl

Kva skal ein seie etter denne dagen? Korleis kan vi nytte «krafta i oss» til å skape meir utvikling, entusiasme og aktivitet på arrangement i Vestland? Gunhild Berge Stang summerer opp i sofaprat med idrettspresident Zaineb Al-Samarai, Jørgen Follevåg Mjelleli frå Sparebanken Vest og Halvard Klakegg frå Sparebankstiftinga Sogn og Fjordane.

Kven er vi?

VM er eigd av Norges vektløftarforbund, AK Bjørgvin, Førde IL og Tambarskjelvar IL. Meisterskapen vil i stor grad vere basert på dugnad som skal betalast gjennom utdeling av utstyr og økonomisk overskot. I tillegg har organisasjonen ein administrasjon som jobbar med planlegging og marknadsføring av VM 2025.

Kontakt oss